რესტორანი ,,ასკანელი ტერასა’’ 2016 წლიდან ფუნქციონირებს და განთავსებულია ხუთვარსკვლავიანი სასტუმროს, ,,ჰილტონის“ შენობაში. ბათუმელების, ქალაქის სტუმრებისა და გურმანების აზრს თუ დავუჯერებთ, რესტორანი ,,ასკანელი ტერასა“ უკვე იქცა ქალაქის ღირსშესანიშნაობად და განსაკუთრებული სიტყვა თქვა ქალაქის სარესტორატორო ცხოვრებაში.
სხვანაირად არც შეიძლებოდა, რადგან რესტორნის მდებარეობაც კი - ერთის მხრივ ბულვარი და მეორეს მხრივ ზღვა და ბათუმის სიმბოლოდ ქცეული „რვაფეხა“- განაპირობებდა რაღაც განსაკუთრებულის შექმნას, დასამახსოვრებელი ინტერიერით, თვითმყოფადი ესთეტიკით და ქართულ-ევროპული კერძების სინთეზით.
რესტორანი „ასკანელი ტერასა“, მისი თითოეული თანამშრომლით - იდეის ავტორითა და შეფ-მზარეული შალვა პაპაშვილით, ვირტუოზი მზარეულებით, ყურადღებიანი მიმტანებით, პროფესიონალი ბარმენებით, გამორჩეული მუსიკოსებითა და ერთგული ტექ. პერსონალით - უძველეს ეროვნულ ფასეულობას, სტუმართმოყვარეობის იდეას ემსახურება.
რესტორანში იმართება კულინარიული მასტერკლასები, ღვინის დეგუსტაცია, სემინარები, საკონცერტო საღამოები და ქართული ცეკვები მიმტანების შესრულებითაც კი.
სტუმრებს შეუძლიათ მცირეწლოვანი ბავშვები რესტორნის საბავშვო ოთახში დატოვონ, რომელთა გართობაზეც ჩვენი ძიძა იზრუნებს.
ალკოჰოლიანი სასმელების ფართო არჩევანით წარმოდგენილია კომპანია ,,ასკანელის“ ღვინოები, რომელთა შეძენა სტუმრებს რესტორანთან არსებულ ღვინის საფირმო მაღაზიაშიც შეუძლიათ.
,,ასკანელი’’ საერთაშორისო დონის ქართული ღვინის მწარმოებელი კომპანიაა, რომლის ანგარიშზეც საერთაშორისო პრესტიჟულ კონკურსებსა და გამოფენებზე მოპოვებული უამრავი ჯილდო და მედალი ირიცხება.
რესტორნის დამფუძნებლები არიან: ღვინის კომპანია ,,ასკანელის“ მფლობელი, გოჩა ჩხაიძე და შპს ,,ტურინვესტ ჯგუფი’’.