,,ასკანელის’’ საფირმო მაღაზია 2016 წლიდან ფუნქციონირებს და განთავსებულია ხუთვარსკვლავიანი სასტუმროს, ,,ჰილტონის“ შენობაში, რესტორან „ასკანელი ტერასას“ მიმდებარედ. კომპანია ,,ასკანელი’’ 60-ზე მეტი დასახელების ღვინოს აწარმოებს, ისევე როგორც ბრენდს, შუშხუნა ღვინოს და ჭაჭას. აქვს ქარხნები სამ რეგიონში - კახეთში, გურიასა და თბილისში.
სოფელ ასკანაში დგას უძველესი ციხესიმაგრე, რომელსაც სიძველისა და გამორჩეული გამძლეობის გამო “ასკანიანი ციხე” ეწოდა. ასკანელის სახელის საფუძველიც ქართველის მებრძოლი ხასიათის მითოსსა და ისტორიაში მოიპოვება. ასკანელის მეღვინეობის ტრადიციისთვის საფუძვლის ჩაყრა ანთიმოზ ჩხაიძის სახელს უკავშირდება. მან ააგო მარანი მეცხრამეტე საუკუნის მიწურულს, სადაც ამზადებდა განსაკუთრებულად სუფთა და არომატულ ღვინოებს სხვადასხვა ჯიშის ყურძნისგან. ერთ-ერთი ჯიში, რომელიც ჩხაიძეების გვარმა შემოინახა, სახელგანთქმული ჩხავერია. ამბობენ, ჩხაიძეების გვარიც ამ სახელიდან მოდისო.